PHILIPPUS Cominaeus

PHILIPPUS Cominaeus

Argentenii Dominus, gente Flander, Historicus eximius. An aetat. 8. in Aulam Caroli Audacistransiit, mox muneribus variis adhibitus. Dein A. C. 1464. ad Ludovicum XI. Galliae Regem se applicuit, a quo magni aestimatus, et negotiis gravissimis admotus, cum Helena Chambaea, ex Comitiva in Andibussamilia, coniugium iniit. Variarum linguarum, Gallicae inprimis, Germanicae et Hispanicae peritus, Latinae prorsus rudis; doctus viros amavit, et ut iudiciô, ita rerum usu infigni praeditus fuit, Historiam sui temporis Gallice scripsit; complexus res gestas A. 34. sub Ludovico XI. et Carolo VIII. Dignus Philippus Alexandris, Lipsii iudiciô. Hanc postea in linguas varias translatam vidimus. Tandem tamen, postquam Ludovici Cubicularius, Pictavii Senechallus aliisque muneribus amplissimis functus fuisset, proditionis accusatus, triennium in vinculis fuit: sed, ab omnibus desertus, ipsemet sui apologista auctor fuit, ut incolumis dimitteretur. Obiit in Pictonibus, A. C. 1509, aetat. 64. Pater Iohannae, Renato Britoni, Comiti Pentheuriae, nuptae. Lips. not. ad l. 1. Polit. Marchantius Comm. Flandr. l. 1. Voss. de Hist. Lat. l. 3. c. 10. Duchefnius, Hist. Castession. Sleidanus, etc.